इ चितवन खबर
September 10, 2026
_1789053763.jpg)
चितवन। रसुवाको भोटेकोशी क्षेत्रमा गएको विनाशकारी बाढीबाट प्रभावित नागरिकको राहत तथा उद्धारका लागि भूतपूर्व सैनिक २/८ गोरखा राइफल्स (सिएनजी परिवार) ले २ लाख २२ हजार २२२ रुपैयाँ सहयोग गरेको छ।
भूतपूर्व सैनिक २/८ गोरखा राइफल्स (सिएनजी परिवार) ले बाढीपीडितको राहत तथा उद्धारका लागि संकलन गरेको उक्त रकम प्रधानमन्त्री दैवी प्रकोप उद्धार कोषमा जम्मा गरेको हो। संकलित रकम दाखिला गरिएको भरपाई भूतपूर्व सैनिक २/८ गोरखा राइफल्स (सिएनजी परिवार) का अध्यक्ष कप्तान विष्णुबहादुर गुरुङ, उपाध्यक्ष हनेरी सुबेदार मेजर फूलबहादुर घले र कोषाध्यक्ष हनेरी सुबेदार मेजर मोहनबहादुर आलेले चितवनका प्रमुख जिल्ला अधिकारी गणेश अर्याललाई हस्तान्तरण गर्नुभयो।विपद्को समयमा बाढी प्रभावित नागरिकलाई राहत पुर्याउने उद्देश्यले गरिएको यस सहयोगले भूतपूर्व सैनिक २/८ गोरखा राइफल्सको सामाजिक उत्तरदायित्व तथा मानवीय सेवाभावलाई उजागर गरेको छ।
भरपाई बुझ्दै प्रमुख जिल्ला अधिकारी गणेश अर्यालले देश दुःख र विपद्मा रहेका बेला भूतपूर्व सैनिकहरू सदैव राष्ट्रको रक्षा, सेवा तथा सहयोगका लागि अग्रसर हुँदै आएको बताउनुभयो। उहाँले बाढीपीडितका लागि भूतपूर्व सैनिक २/८ गोरखा राइफल्स (सिएनजी परिवार) ले गरेको सहयोगको प्रशंसा गर्दै विपद्को घडीमा देखाएको सेवाभाव गौरव गर्न लायक रहेको बताउनुभयो।
कार्यक्रममा भूतपूर्व सैनिक २/८ गोरखा राइफल्स (सिएनजी परिवार) की महिला समितिकी अध्यक्ष सुकुमाया थापा, उपाध्यक्ष राममती गुरुङ, सचिव कमला बलामी थापा लगायतको उपस्थिति रहेको थियो। भूतपूर्व सैनिक २/८ गोरखा राइफल्स (सिएनजी परिवार) मा हाल ११४ जना सदस्य रहेका छन्। भूतपूर्व सैनिक २/८ गोरखा राइफल्स (सिएनजी परिवार) ले सामाजिक तथा मानवीय सेवाका विभिन्न गतिविधिमा समेत सक्रिय सहभागिता जनाउँदै आएको जनाएको छ।
Happy ( ०% )
Sad ( ०% )
Surprised ( ०% )
Excited ( ०% )
Angry ( ०% )
October 29, 2026
October 29, 2026
October 29, 2026
_1793198229.jpeg)
October 28, 2026
October 28, 2026
October 28, 2026
October 28, 2026
October 27, 2026
October 27, 2026
October 26, 2026
नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .
