इ चितवन खबर

May 13, 2026

चितवन। भरतपुर महानगरपालिका–१० कटहरचोकमा अवस्थित ओम शान्ति एकेडेमीले यस वर्षको माध्यमिक शिक्षा परीक्षा (एसईई) २०८२ मा उत्कृष्ट नतिजा हासिल गर्दै विद्यार्थी तथा अभिभावकमाझ आफ्नो शैक्षिक उत्कृष्टतालाई पुनः स्थापित गर्न सफल भएको छ ।

विद्यालयबाट एसईई परीक्षामा सहभागी विद्यार्थीहरुमध्ये दुई जना विद्यार्थीले ४ जीपीए प्राप्त गर्न सफल भएका छन् । विद्यालयले विगतका वर्षहरूमा जस्तै यस वर्ष पनि उत्कृष्ट नतिजाको निरन्तरतालाई कायम राखेको विद्यालयका प्राचार्य टेक बहादुर श्रेष्ठले जानकारी दिनुभयो ।

प्राचार्य श्रेष्ठका अनुसार विद्यालयले गुणस्तरीय शिक्षा, अनुशासित वातावरण तथा आधुनिक शिक्षण पद्धतिलाई प्राथमिकतामा राख्दै विद्यार्थीको समग्र विकासमा विशेष ध्यान दिँदै आएको छ । “विद्यार्थीको मेहनत, अभिभावकको विश्वास र शिक्षकहरूको समर्पणकै कारण सफलता हासिल गर्न सम्भव भएको हो,” उहाँले भन्नुभयो ।विद्यालयमा अनुभवी, योग्य तथा प्रेरणादायी शिक्षकहरूद्वारा अध्यापन गराइने गरिएको छ ।

विद्यालयमा आधुनिक प्रविधिमैत्री कक्षा सञ्चालन, व्यवस्थित प्रयोगशाला, समृद्ध पुस्तकालय तथा अतिरिक्त क्रियाकलापलाई समेत विशेष महत्व दिइँदै आएको छ । गुणस्तरीय शिक्षासँगै नैतिक शिक्षा, अनुशासन र व्यवहारिक ज्ञानलाई जोड दिँदै आएको कारणले पनि ओम शान्ति एकेडेमी विद्यार्थी एवं अभिभावकको पहिलो रोजाइ बन्न सफल भएको छ ।